|
إلا الشرف |
|
شبكة البصرة |
|
الشاعر العراقي محمود زاهد |
|
كل يوم عندنا قضاء وقدر نذل گالو مفخخ وانتحر كتل نساءنا.. ويَتم أطفالنا.. والغاية .. جزء من العراق إندمر ليش؟ ليش من دون البشر؟ إتحملنا الظيم والقهر وصحنا بأعلى صوت الله يرحم من يرحم العراق وأهلة والنهر هيجي هانت الدمعة وذاك أبن الكلب أنتصر؟ چا وين النشامة ووين أهل النصر؟
******* خلكم ياعرب خلكم مكانكم ياعرب مانريد منكم المال وما نريد السلاح وما نريد حتى السيف من الغمد يتزحزح لكن نريد كلمة الحگ تنگال بوجه الكفر
******* صدگوني العراق بيه هوايه رجال
صحيح العراقي بنظركم ذيب لكن بوكت الشدة يتحول نمر وهاكم اضرب مثل شوفو الفلوجة وبعقوبة وتلعفر وحديثة وبغداد وأم قصر .......
******* صدگوني العراق بيه هواية رجال خلهم ياخذون شما يريدون النفط وأخذوه والعراق وسلبوه لكن الشرف عمرهم ما يمسوه
******* صدگوني العراق بيه هوايه رجال ويظل عراقنا واحد .. والدين واحد .. وربنا الأحد.. ما يفرگونا أحنا السنة وأحنا الأكراد وأحنا الشيعة
ونظل نگول : هذا الوطن ما نبيعه وتمر الأجيال وأجيال وصدگوني العراق بيه هوايه رجال .. |
|
شبكة البصرة |
|
الاثنين 9 صفر 1428 / 26 شباط 2007 |
|
يرجى الاشارة الى شبكة البصرة عند اعادة النشر او الاقتباس |