|
بِسْمِ اللّهِ الرَّحْمَنِ الرَّحِيمِ |
|
عبود يغني : على جسر الائمة سيبوني...! |
|
شبكة البصرة |
|
جمال محمد تقي |
|
بعد شد وجذب ودفع وسب، قفل عبود راجعا عن هدفه في عبور جسر الجمهورية، الى حيث قواعده منشدا السلامة! توقف برهة واخذ يتلفت يمينا ويسارا، اي الطرق يسلك انها جميعا لا تبدو سالكة؟ في المحصلة ترك الامر لفراسة حصانه!
اول عمل قام به بعد وصوله الى داره في البحية هو اعداد مائدة عامرة ـ من الجت والشعير والملح والماء ـ تناسب الدور الاستثنائي الذي لعبه رفيق دربه الحصان في مسيرة يومه العسيرة والمثيرة والخطيرة، وجعله يتناول وجبته الدسمة، وهو ينظر اليه بحنو قل نظيره!
في اليوم التالي وبعد ان انجز عدد من التوصيلات الناجحة، حاول الذهاب الى الاعظمية لملاقات بعض معارفه هناك عسى وعلى ان يحصل على مراده!
في نهاية جسر الائمة من طرف الاعظمية استوقفه حاجز غير طياري مخلوط ـ امريكي طائفي ـ وفتشوه كالعادة ثم سألوه الى اين انت ذاهب؟ ـ هنا قرب ساحة عنتر ثم الى راس الحواش. لمن انت ذاهب؟ ـ اصدقائي ومعارفي هل انت سني ام شيعي؟ ـ والله احسبها مثل ماتريد! جاوب على السؤال مثل الاوادم.. ـ عمي والله ما ادري شكلكم! شنو اسمك الكامل؟ ـ عبود حزام علوان الرماح التميمي شنو اسم امك؟ ـ عيوشة خطاب.. عمي لا ادوخ ابوي نصة شيعي او نصة سني او امي سنية، يعني تكدر اتكول ثلثين ابثلث، او ترة كل عشيرتي مخلوطة خلطة العرق بالمي! هذا كام ايمسلت، اسمع من اتريد اصلي اشلون؟ ـ انا ما اصلي مثل السنة والشيعة، انا اصلي ابكلبي! هي جديدة، يعني اشلون؟ ـ يعني من اصير زحمة والطريق يرادلة سرعة اكوم اقرأ ايات من القرآن ـ اية الفلق او اية الكرسي، اكثر من خمسة ايات في المرة الواحدة! زين انت ازور ابو حنيفة لو الكاظم؟ ـ الاثنين، وكت المولد تلكاني بالاعظمية او وكت عاشوراء بالكاظم. هذا لاكف، اسمع اليوم اكو جرد بالاعظمية ممنوع الزيارات الشخصية. ـ عمي شني السالفة شنو هو دكان ايسوولة جرد، ماتخليني ازبك الله ايخليك؟ انت شنو اطرش ميصير ارجع احسنلك، ارجع!
وعاد ادراجه خائبا، ثم راح يغني وهو يقطع جسر الائمة متقهقرا! على جسر الايمة سيبوني.. ... اروح للملا علي اروح للسيد علي ملا سيد كله واحد! ثم راح يكلم حصانه قائلا : ايام الحصار جان الميزان امعوج، او هسة انكسر الميزان منو ايصلح الميزان حسنة ملص لو ام عرفان احزر يالحصان؟ |
|
شبكة البصرة |
|
الاثنين 14 جماد الاول 1429 / 19 آيار 2008 |
|
يرجى الاشارة الى شبكة البصرة عند اعادة النشر او الاقتباس |