|
بِسْمِ اللّهِ الرَّحْمَنِ الرَّحِيمِ |
|
دارميات على طريقتي...! |
|
شبكة البصرة |
| حميد عاشور الأحوازي |
|
ما أترك التدخین مُدمن علی أهلي وابدیرم اشفاف اهواي بصمات أخلّي *****
آ يا وطن ذكراك دومن علی البال اسمك رفیج النجم وسط السّمه عال *****
حزني کثر يا ناس زوّدلي لآلام ومن موطني احتلوه، ذبحولي لاحلام *****
اضحك چذب مهموم بس ابچي كلساع و ادري الچذب مفضوح بس موطني ضاع *****
ما هَمني لوم اعداي، همّاني لومك متحزم الغبرات يا وسفه دومك *****
سِچبن علی الخدين دمعات العيون فراگ الوطن يا ناس کثر ليونّون *****
بسکوته والبسکوت کلّه اعلی مودك مشيّك حبي يفلان هذا اهوه عودك *****
بسکوته والبسکوت ما ثمّر اوياي أرده اصرخ بعالي الصوت و اتعنّه لهواي *****
بسکوته والبسکوت سكناك الگبور ولو ما لهيب النار ماي الله ميفور *****
بسکوته والبسکوت طبعك اتهندس ترسم خبث مخطوط مثل المهندس *****
بسکوته والبسکوت غنّي اعلی کيفك بصوتك او نص اعداي، بيّنت زيفك *****
بسکوته والبسکوت صاحب خدعني وين اشتکي يا ناس عگرب لدغني ***** |
|
شبكة البصرة |
|
الاحد 5 ربيع الثاني 1431 / 21 آذار 2010 |
|
يرجى الاشارة الى
شبكة البصرة
عند اعادة النشر او الاقتباس |