بِسْمِ اللّهِ الرَّحْمَنِ الرَّحِيمِ

ارد احجي عراقي

شبكة البصرة

قصيدة منتهى الرواف

ارد احجي عراقي بين السكوت ونار الذهول راح اتخبل

احجي قبل لا انفجر ولاية الفقيه على العراق شظل أعلنها خمة المجوسية

حجي مخربط كولوا بلكي يحس أبو الشلل والسكته المانفع بيه حجي مصفط

اكتشفنه اكثر شيعة وسنة العراق للأسف عمية تباعة افلام وفبركة جذب

تباعة ثريد وقيمة وهريس من جيوبهم مبيوكه

بلاش يظنونها وطول السنة مستغفلين حفلات لطمية

دام الصدك يكلف يحير ويتعب يوجعهم اولو وصلتهم لسعته

بسرعة يسدون القناة ويكلبونه وللعيارة والبي عار يصفكون ويايدونه

واكثرهم للحق كارهون وما اشد ظلمة دربه الباطل اسهل

شحجي وكلشي تعرفونه تجار الجذب صفوا باينباغ وعمامة صورونه

جمعة شياطين يظنون للحق اغتالوه ودفنونه وعند المؤمنين

والصديقين وباسم الله يظل حي وبيه داري تلكونه

ارد احجي عراقي وخالف عوار المعممين المرة عورة

ما ترهم ازهك واشك هدومي والخبال بالتقاليد حشيمة

من القهر اصنف ارجاكم لا تصدكون خبالي

من نار البيه من الدنشوفة قتل وحرك وسلب دخيل النشامه

تصيح الحراير عطش وجوع واغتصاب ونهب وتعاهرنة الحرامية

وعلى عينكم تستعرض المليشيات عصابات وقطاع طرق تحكم

وتتندر وتكول علينه ياشعب ما عز وغنم تسكتون

وما الكم معاش لو تصير شيعي لو سجينة ماعش وداعش الحكونه

اسكت احسنلك وزبالة وخشاش الكاع اكلك وهذا حكك كلشي سلبونه

الانبار شاهد لمقاومة العراقيين دعشوها والتطهير السني المليشيات تبنوهة

اكثر من سنة ما كتبت حرف تسالني الوادم حايرة شكتب وشحجي

وقررت ما عندي غيركم يا الأعزاء انزل ونتشارك همومنه

وعلى الورق والكم الطم وابجي واحجي وادردم واخربط

سامحوني واتحملوني والله اعرف ونيني هو ونينكم وما يكفي

ما الها حل الا باذن الله ننتصر ما يكفي وياهو اليهتم لخبالي

بطلوا اللطم والبجي ونشدة الاحرار يقين وكافة وبالساحات

والثوار المقاومة يحفظهم وينصرهم الله واخبار بطولاتهم تسابكنه

تسر وتطيب الخاطر والنعم منهم ابطال والله وما مقصرة

ومخبلة عداي اللي خبلنه وخلانه وبالشوارع مهججنه

وبهال الحال بين الصمت والخبال اهذري بس العراقي يفهمني

ارد احجي عراقي وما اريد غير اذنه تسمعني

لن الباقي ب2003 باعني ولن صبح بمصايبه لاهي

وبين اللي يكول من هالباقي شعليه

وما يدري جايه السرة شما غلس وظل غافي

الباقي اكبر أسباب شكة الزيك وبالعامية خبالنه نحجي

 

ارد احجي وما يهمني غير العراقي يسمع وما عليه بالباقي

مثل ما الباقي تخله عني وتفرج وجدامة اموتن حرك يومية

او لو تذكرني يدهني اني الأصل وأبو الغيرة يخدرني

يعرفني عراقي ومن الحقد صافي وللعوزة ثاريه مخليني

يسميني البوابة الشرقية وراس حربة وراس الحربة طيروها

طول عمري عراقي اني واصيح

يحرم عليه الزاد لو ما قسمت نعمتي اشيلن حصة للباقي

على مر التاريخ عراقي وافتخر ما مشيت خطوة الا وحابيت الباقي

تاليتها للضباع صفيت اشهى قصعة لوحدي اعارك والتفت وين الباقي

ثاري الحسبة طلعت غلط عندي لو شلون اظلن اصيح عندي باقي

ما علي يجي يوم وتلحكني لازم العرب مسامح لو ظلتلنه بقايا باقي

بس عراقي ثاني وياي جزع يكول ابد لو يرجع بينه الزمن

ويزبد الخير ويفيض من ثاني نوفره لاجيال العراقي

مو كافي اللي شفناه ودفعناه لن صحنه ما يسوه العراق

من غير باقي راح اتوب واكص الساني لو كلت،وللباقي

لن الباقي من زمان بايع وراضي يفرط بالتسلسل بالباقي

فلسطين والعراق وسوريا ولبنان وبيعته اكتشفها خسرانة

للمجوس نواب اليهود طلع بايع وعليه تسليم نفسه والباقي

ما علينه هذا كله هرطقات خبال ما يصح الا الصحيح

والصحيح احنة امة عرب وحدة

وغصبن على خشوم العدة ما بينه فرقة غير بوهم حلمهم

الامة اسمعها واحسها تصيح حتى لو بالواقع فرقتنه صبوهه

اسمعها بكثير مواقف وامل تصيح لا بينا بقايا ولا باقي

ذيج قنوات الحق مثل الرافدين تشهد للعربي

شما عتموا صبحنه وصبوا قطران حسرتنه وجع الكلب واحد

العربي اصل والاصل شلون ما يدبرونه يحيرون بيه صعب يفصلونه

اعتذاري للفصحى حبيبتي وللشعب العراقي لانقطاعي

فحقه بكل قلم ان لا يجف ولا يخبوا عنه اي صوت مساند

حتى ياتينا الله بالنصر الميبين اللهم امين

شبكة البصرة

الاثنين 18 شوال 1436 / 3 آب 2015

يرجى الاشارة الى شبكة البصرة عند اعادة النشر او الاقتباس
المقالات والتقارير والاخبار المنشورة في شبكتنا لا تعبر عن راي الشبكة بل عن راي الكاتب فقط